Rumyniýaly aşa-sagçy syýasatçy Kalin Jorjeskunyň (Calin Georgescu) ýüzlerçe tarapdary 10-njy martda agşam Buharestdäki Konstitusiýa kazyýetiniň daşynda parahatçylykly ýygnandy.
Bu waka, öňki inžener Jorjeskunyň maý aýynda geçiriljek prezident saýlawlaryna gatnaşyp biljekdigini ýa-da bilmejekdigini kesgitleýän kararyň çykarylmagynyň öň ýanynda boldy.
Rumyniýanyň Merkezi saýlaw geňeşi (CEB) Jorjeskunyň prezident saýlawlaryna gatnaşmagyny ret etmek baradaky karary 9-njy martda çykardy.
Jorjesku 10-njy martda irden ýurduň Konstitusiýa kazyýetine şikaýat etdi. Kazyýetiň bu barada 11-nji martda karar çykarmagyna garaşylýar.
Parahat demonstrantlar üç reňkli rumyn baýdagyny galgadyp, “erkinlik” diýip gygyrdylar we görlüp-eşidilmedik saýlaw tolgunyşyklary wagtynda Konstitusiýa kazyýetini goldaýan premýer-ministr Marçel Çiolakunyň (Marcel Ciolacu) tussag edilmegine çagyryş etdiler.