2-nji dekabrda ABŞ Ukraina üçin $725 millionlyk täze harby hemaýat bukjasyny yglan etdi. Onuň düzümine şol sanda minalar, HIMARS we beýleki arilleriýa ulgamlary üçin ok-däriler, Stinger raketalary we dronlar dagy girýär.
Birleşen Ştatlar Ukraina üçin minalaryň iberilmegini geçen aý mälim etdi. ABŞ-nyň goranmak sekretary Lloýd Austin munuň zerur ädim bolandygyny, sebäbi Russiýanyň güýçleriniň öňe ilerlemek üçin ulaglary däl-de, pyýada goşunlary ulanýandygyny belledi.
Baýdeniň administrasiýasy saýlanan-prezident Donald Tramp häkimiýet başyna geçýänçä, Kiýewe has köp hemaýaty bermek ugrunda tagalla edýär.
Tramp ABŞ-nyň Kiýewe berýän hemaýatyny gaýta-gaýta tankytlapdy.
ABŞ-nyň döwlet sekretary Antoni Blinken täze hemaýatyň “gyssagly zerur bolan ýaraglaryň we serişdeleriň möhüm bukjasy” bolandygyny aýtdy.