Türkmen resmileri, şol sanda prezident Gurbanguly Berdimuhamedow hem ýurduň sport pudagyna uly ünsüň berilýändigini, bu sektora uly maýa serişdeleriniň ýatyrylýandygyny belleýärler. Emma şol bir wagtda, Türkmenistanyň şäherdir etraplaryndaky merkezi sport-türgenleşik zallarynyň uly bejergä mätäç bolmagyna galýandygy hem nygtalýar. Wideoda Türkmenabadyň "Zähmet" stadionynda alnan käbir şekiller ýerleşdirildi. Görnüşlerden hem mälim bolşy ýaly, sportsmenler pes şertlerde türgenleşmeli bolýar. Sport zallarynda sanitariýa şertleriniň hem göz öňünde tutulmandygyny görmek bolýar.